Football (Ligue 1) - L'exploit de l'AC Ajaccio à Valenciennes (1-2)
(A redazzioni d'Alta Frequenza) - Più nulla pari fà piantà i ghjucadori di Olivier Pantaloni chì ani signatu stasera (dumenica) u so quatriesimu successu à a fila in Lega 1. Stavolta, hè in Valenciennes, una squadra malgradu tuttu assai parfurmenti in casa soia, chì l'Aiaccini sò andati à buscà si i punti di a vittoria. Tuttu era principiatu bè pà issa sirata, cù una prima reta à a 6a minuta, da a nova ghjunta Eduardo, nant'à un centru di Tiberi. I Corsi duviani dopu essa raghjunti, in principiu di sicondu periudu. L'arbitru di u scontru, Monsieur Fautrel, avia da sminticà un penalty più cà sicuru dopu à una manu nurdista ind'i 6 metri. Peghju, l'arbitru duvia spulsà dopu à Paul-Bastien Lasne, dopu à una simulazioni fittiva. Una sclusioni più cà sivera chì ùn avia micca da privà l'ACA di a vittoria. In fatti, Christian Kinkela vinia rigalà i trè punti inde l'ultimi sicondi, nant'à un bellu muvimentu parsunali. Cù issu successu, l'ACA esci da a zona di rilegazioni, pà cullà à u 15u postu.
Ecoutez la joie de l'entraîneur ajaccien, Olivier Pantaloni, au micro de la chaîne FOOT+
