Football (Ligue 1) - L'ACA se déplace à Toulouse avec l'ambition de confirmer ce dimanche
Duminica dopu meziornu, l’AC Aiacciu si ni và à ghjucà contru à Tulusa.
Hè a prima volta lla so storia chì l’ACA ghjoca par capu d’annu. Cù setti punti colti in i trè ultimi scontri, l’AC Aiacciu devi circà à cunfirmà a so dinamica, ancu puri chì tuttu ùn sichi statu parfettu marcuri.
Pà issu scontru impurtantissimu in a cursa pà u mantinimentu, Olivier Pantaloni ricuparighja uni pochi di ghjucadori : in difesa, Avinel, Gonzalez, Koné è Vidal ùn sò più suspesi, è sò di u gruppu cunvucatu da a squadra tecnica.
In attaccu, volta Romain Hamouma.
Hè dunqua un effettivu beddu furnitu chì si ni movi à u Stadium di Tulusa, da pittughjà si à una squadra chì si hà presu sei marchi in Marseglia, è chì forsa avarà à pena a stizza. 14esimu à a classifica – à torru à Troyes – l’ACA t’hà l’ambizioni di stà si ni da supra à a zona di riligazioni di u campiunatu di prima divisioni.