Football (Ligue 1) - L'ACA battu à la dernière seconde à Reims (1-0)
Sò stati parichji issa staghjoni i scontri ad avè li missu a stizza, à i ghjucadori di l’AC Aiacciu, è quiddu di duminica contru à Reims si hè aghjustatu à issa longa lista di i rigreti.
L’aiaccini erani mossi cù l’idea di bunificà issi trè punti presi a sittimana passata contru à Troyes.
Contru à issa squadra di Reims ch’ùn hà persu chì sò parichji mesa, l’aiaccini ani prupostu un ghjocu più chè seriu : puri piddendu li a suprana, i lucali ùn sò stati tantu piriculosi.
Fatta fini, hè à l’ultima siconda lla partita chì l’ACA hà persu u puntu miritatu lla partita patta, via un tiru da luntanu di Cajuste, à a 95esima minuta.
Eppuri, ùn ani lintatu nudda in difesa, i Russi è Bianchi.
À a classifica, l’ACA hè 18esimu, cù 21 punti.