Football (Ligue 1) - L'AC Ajaccio reçoit l'Olympique Lyonnais ce dimanche
Duminica in Timizzolu, à 5 ori llu dopu meziornu, l’AC Aiacciu si hà da cunfruntà à Liò.
Una partita bedda dilicata pà l’aiaccini, chì ani infialsatu trè disfatti dopu à u posu impostu da a Cuppa llu Mondu.
Una volta di più, Olivier Pantaloni ùn l’avarà tutti, i so ghjucadori, par cumpona a squadra : Coutadeur, Hamouma, Touzghar è Koné sò sempri ferti.
Eccu una difficultà di più innanzi di pittughjà si à issi liunesi chì s’ani da impignà quant’iddi poni da buscà si una piazza qualificativa pà a Cuppa d’Auropa.
