Football (Ligue 1) - L'AC Ajaccio chute face à Lorient (0-2)
(A redazzioni d'Alta Frequenza) - Quatriesima disfatta cunsecutiva pà l'AC Aiacciu, chì hà persu stasera (dumenica) nant'à u tarrenu di Lorient, dui reti à zeru, pà a tredicesima ghjurnata di Lega 1. Dopu à un primu periudu di poca intensità, i cosi ani da andà più in furia ind'u sicondu tempu. In fatti, mentri chì l'aiaccini risistiani abbastanza bè à i lucali, Socrier manchendu frà altru di signà una reta, iss'ultimi s'ani da fà pighjà à l'ispensata à a 61ima minuta, nant'à un tiru di più di 25 metri di Jouffre. I Brittoni ani ancu da riescia à duppià l'affari vinti minuti dopu, Sunu battendu à u purtieri messicanu, Memo Ochoa. Iss'ultimu chì hè statu ubligatu à essa rimpiazzatu da Thierry Debès in fin' di partita, essendu feritu à a coscia. Una nova scunfitta pà i ghjucadori di Olivier Pantaloni, chì ùn ci la facini ancu à ricullà à gallu, è chì fermani dunqua più cà mai ultimi di issu campiunatu.
Ecoutez la réaction de Paul Lasne, milieu de terrain de l'AC Ajaccio, au micro de la chaîne FOOT +
