Football (Ligue 1) - L'AC Aiacciu impuissant face à Lille (1-3)
In ghjocu à ballonu, l’AC Aiacciu hà persu 3 à 1 contru à Lille in Timizzolu, vennari à sera.
Contru à una squadra bedda dicisa, l’omini d’Olivier Pantaloni ani incasciatu un primu marcu passati 17 minuti di ghjocu, via un beddu gestu di Yacizi.
Tecnicamenti è cullittivamenti, Lille piddaia pianu pianu a suprana è, ghjustu innanzi à u posu, Bamba mittia un altru marcu.
Ripresu u scontru, l’aiaccini ani circatu à middurà u so ghjocu. Dopu à un calciu d’angulu di Mangani, Mayembo mandaia di capu u ballonu à nantu à l’asta. Ma una minuta dopu, par disgrazia, Djalo mittia un terzu marcu pà i nurdisti.
Pà l’onori, Bayala marcaia passati 81 minuti di ghjocu, pà un marcu finali di 3 à 1.
Dopu essa si pittughjatu à uni pochi di tarcani d’issu campiunatu (Liò, Lens, Rennes è Lille), l’AC Aiacciu devi circà à ripiddà fiatu contru à i squadri più mudesti.
Steti à senta à Olivier Pantaloni
Sur le même sujet
