Football (Ligue 1) - L'AC Aiacciu battu, mais loin d'être ridicule à Lyon (2-1)
Vennari, l’AC Aiacciu attaccaia a so staghjoni di prima divisioni in dispiazzamentu in Liò, unu di i tarcani di u campiunatu.
Ma u scontru, l’ani attaccatu mali, l’aiaccini : dopu à 12 minuti, Tetê mittia in a cabbia corsa un ballonu ch’iddu li deti Lacazette.
Deci minuti dopu, Avinel cuncidia un calciu di riparu, ch’iddu marcheti Lacazette.
Ma quantunca, ùn erani po’ à u scaccu i ghjucadori d’Olivier Pantaloni.
Passata una meza ora di ghjocu, Mounaïm El Idrissy era lampatu in tarra cù viulenza da u guardianu liunesu, chì d’altrondi fù sclusu. Thomas Mangani mittia u calciu di riparu in a cabbia di i lucali.
Libarati da issu marcu, l’aiaccini faciani ancu ghjocu paru cù i liunesi. Ma à pena innanzi à u posu, Romain Hamouma era sclusu, cù forsa un pocu di sivirità.
In a siconda parti llu scontru, l’AC Aiacciu hà cuntinuvatu à prupona un ghjocu paru à quiddu di i lucali. Ancu puri cù u marcu finali di 2 à 1, l’ACA hà fattu veda calchì talentu, è hà datu a prova ch’idda era miritata, issa piazza in prima divisioni.
Ci vurrà à dà ni cunfirma duminica in Timizzolu, contru à Lens.
