Football (Ligue 1) - Jérémy Choplin quitte le SC Bastia
(A redazzioni d'Alta Frequenza) - Torna un ghjucadori di u Sporting Club di Bastia chì si ni và, ssu luni. In fatti, Jérémy Choplin è u Sporting si sò "spiccati" cù un accordu cumunu, fendu compia u cuntrattu di u ghjucadori bascu, à quali firmava un annu. Una partenza chì saria accaduta par via à a ghjunta di Sébastien Squillaci, chì ùn saria micca piaciuta à u ghjucadori, pirdendu a spiranza d'essa titulariu. Più cà mai, hè u tempu di i cambiamenti pà u Sporting. Jérémy Choplin era unu di i puntelli di a rinascita di u Sporting duva ellu era ghjuntu trè anni fà mentri chì u club ùn era mancu sicuru di riparta in Naziunali. Hà ghjucatu 110 partiti, avendu cunnisciutu i tituli di campioni di Naziunali è di Lega 2 com'è titulariu, è una staghjoni in Lega 1 più difficiuli ma bona quantunqua.
