Football (Ligue 1) - Gianni Bruno à Bastia pour grandir
(A redazzioni d'Alta Frequenza) - Ssu luni c'era a prisintazioni di i dui ultimi ghjucadori di u Sporting Club di Bastia, Adama Ba è Gianni Bruno. È s'aspetta assai, senza dubbitu alcunu, di ss'ultimu soprattuttu. In fatti, Gianni Bruno, attaccanti belgu d'urighjini taliana di 22 anni è impristatu da Lille pruvarà à riescia un scopu difficiuli: pighjà a seguita d'Anthony Modeste, ellu chì avia scrittu quindici reti a staghjoni scorsa. Bruno ghjunghji in Bastia pà spannà si dopu à dui staghjoni micca sempri faciuli ind'u LOSC, duva ellu hà ghjucatu 23 partiti pà una reta in dui staghjoni in Lega 1. S'è Rudi Garcia, l'intrenori di Lille à l'epica, u mittia à spessu nant'à i lati di l'attaccu Gianni Bruno hè un veru ghjucadori di punta, un postu chì li sarà didicatu à u Sporting. Club duva ellu pudaria firmà dopu à ssa staghjoni parchì l'uzzioni pà cumprà lu dumandata da Lille ùn duvaria micca essa scema, ancu in casu di bunissimi parfurmenzi di l'attaccanti.
On écoute Gianni Bruno.
