Football (Ligue 1) - Gadji Tallo vers l'AC Ajaccio
(A redazzioni d'Alta Frequenza) - L'infurmazioni hè stata cumunicata da a Sky. In fatti, sicondu u canali di televisiò talianu, l'AS Roma hà da impristà u ghjovanu mezu di tarrenu uffensivu Gadji Tallo à l'AC Aiacciu da quì à calchì ora. Hè un ghjucadori di 20 anni, è internaziunali ivorianu U20. Dopu avè compiu a so furmazioni ind'u Chievo Verona, ss'ultimu hè partutu dopu à l'AS Roma pà un trasferimentu d'un millioni d'auri. Dopu avè ghjucatu calchì partita cù a Roma, quissu quì hè statu impristatu à l'AS Bari di ghjinnaghju scorsu. Hà participatu à 17 scontri è scrittu trè reti. L'infurmazioni ùn hè micca stata cunfirmata par avà da i dirighjenti di l'AC Aiacciu, ma sicondu i nostri infurmazioni duvaria accada da quì à pocu.
Sur le même sujet
