Football (Ligue 1) - Felipe Saad officiellement à l'AC Ajaccio
(A redazzioni d'Alta Frequenza) - L'AC Aiacciu cuntinueghja à rinfurzà si da pudè mantena si in Lega 1. Felipe Saad firmarà oghji (luni) un cuntrattu cù a squadra "Rossa è Bianca". Annunziatu in Aiacciu dipoi calchì ghjornu, hè oramai ufficiali. Iss'ultimu hè ind'a Cità Imperiali dipoi sabbatu. Felipe Saad hè un Bresilianu chì ghjoca com'è difensori di latu à manca. Era liatu à a furmazioni d'Evian fin'è avà. Ma i dirighjenti aiaccini ùn si volini micca piantà quì. U presidenti Alain Orsoni hà dighjà annunziatu altri ghjunti. Un ghjovanu attaccanti hè aspittatu in Aiacciu. "Una scumessa nant'à l'avvena", d''apressu à Alain Orsoni. Infini, l'ACA duvaria uttena da quì à pocu un imprestitu di gratisi di un mezu di tarrenu intarnaziunali. Cù a ghjunta d'Eduardo, l'aiaccini si sarani buscati cusì quattru ghjucadori pà issu marcatu d'inguernu. Da nutà chì un allenatori sicondu sarà dinò ingaghjata da aiutà à Olivier Pantaloni ind'a so intrapresa.
Sur le même sujet
