Football (Ligue 1) - David Gigliotti s'engage avec l'AC Ajaccio
(A redazzioni d'Alta Frequenza) - David Gigliotti hè a terza ghjunta di l'AC Aiacciu pà issu marcatu. Issu Pruvinzali, d'urighjini arghjentina, t'hà 26 anni, ed'hè un attaccanti. Dopu ad essa si rivilatu, assai ghjovanu, sottu à i culori di Monacu (21 partiti), hà ghjucatu dopu in Troyes, sempri in Lega 1 (29 scontri, 9 reti), nanzi di parta pà San Stefanu pà trè staghjoni (33 partiti). David Gigliotti hè andatu dopu inde parechji squadri di Lega 2, com'è Le Havre, Nîmes o Arles-Avignon, cù più o menu riescita. S'ingaghja oghji pà diciottu mesi cù a squadra corsa è sarà prisintatu dumani (marti) à a stampa. Una quatriesima ghjunta hè aspittata dumani. Duvaria essa un imprestitu da a squadra di Montpellier.
Sur le même sujet
