Football (Ligue 1) - Bouffée d'oxygène pour l'AC Ajaccio qui s'impose à Brest 1 à 0
Duminica, à nantu à u tarrenu di Brest, l’AC Aiacciu hà vintu u primu macciu lla so staghjoni di prima divisioni, cù un marcu di 1 à 0.
Eppuri, erani cuminciati mali l’affari, chì passati pochi minuti, Benjamin Leroy iscia in catalettu, dopu essa si impittatu cù Oumar Gonzalez. Hè dunqua tocca à Ghjuvanni Quilichini, u ghjovanu guardianu rimpiazzanti di vinti anni, à attaccà u so primu scontru cù i prufiziunali.
A prima parti llu scontru ùn hè stata cusì bedda, ma i brittoni ùn a l’ani fatta à tribulà a squadra corsa.
Dopu à u posu, è passati 65 minuti di ghjocu, Riad Nouri truvaia à Romain Hamouma, chì marcaia pà i Russi è Bianchi.
L’omini d’Olivier Pantaloni ani tinutu issu risultatu, buschendu si a so prima vittoria lla staghjoni. Puri issendu sempri ultimi, ùn sò oramai chè à dui punti di u sedicesimu.
