Football (Ligue 1) - Albert Emon sur le départ
(A redazzioni d'Alta Frequenza) - Si sintia dipoi dumenica à sera, Albert Emon ùn duvaria più essa l'intrenori di l'AC Aiacciu a staghjoni chì veni in Lega 1. Dumenica à sera, iss'ultimu hà fattu nascia appena u dubbitu pà ciò chì tocca à u so avvena cù u club aiaccinu, è u presidenti Alanu Orsoni parlava di un cuntestu parsunali chì pudaria alluntanà Albert Emon di i tarreni. Sicondu i nostri infurmazioni è certi altri nutizii, Albert Emon si ni duvaria andà dunqua, ancu s'è issa nutizia ùn hè micca stata ufficializata par avà da u club aiaccinu. Albert Emon hà riisciutu u scopu vulsutu da u presidenti, u mantenimentu in Lega 1, ancu s'è i parfurmenzi di a squadra issi dui ultimi mesi sò stati à straziera. A partenza d'Albert Emon duvaria essa ufficializata da quì à calchì ora o à calchì ghjornu.
Sur le même sujet
