Football (Ligue 1) - AC Ajaccio-Macron: un partenariat intéressant
(A redazzioni d'Alta Frequenza) - Un ghjiru in battellu ind'u golfu d'Aiacciu, un decoru magnificu ma dinò propiu micca scarsu pà i ghjucadori, u staff è i dirighjenti di l'AC Aiacciu pà un'uccasioni chì hè particulari anch'ella: a prisintazioni di a nova maglia di a squadra pà a staghjoni 2013-2014 in Lega 1. Ssa maglia, di a marca taliana Macron, chì hà da vesta l'ACA pà i trè staghjoni chì venini, sarà torna una volta, è pà u piacè di i sustenidori, rigata di rossu è di bancu, a tradizioni. Omu hà fattu dunqua i so ritratti duranti u viaghju, cù i sfarenti raprisintanti di i sponsors nant'à maglia. L'uccasioni dinò, grazia à ssa prisintazioni, di fà u puntu nant'à u partenariatu trà u club aiaccinu è a sucità taliana Macron; un attu pà fà francà à u club un passu novu, frà altru à u nivellu di u merchandising. A sucità taliana Macron, chì vesti dighjà parechji squadri di ballò in Auropa com'è a Lazio di Roma, u Betis Sevilla, Aston Villa o ancu l'AS Monacu, hè stata assai intarissata da u prufilu di l'AC Aiacciu, club chì prugressa senza piantà à parechji nivelli. Un sintimu pusitivu chì hè crisciutu ancu di più grazia à una nuturietà chì cresci anch'ella in Italia, frà altru dipoi a ghjunta ind'u club di Fabrizio Ravanelli è di Giampiero Ventrone.
Ecoutez Francesco Martinelli, Sports Marketing Manager chez Macron.
Sur le même sujet
