Le Direct

Football (Ligue1) - L'AC Aiacciu reçoit l'AS Monaco à 13h00 ce dimanche

Duminica à un’ora, l’AC Aiacciu ricevi à Monacu. Una volta di più, si tratta d’un macciu di prima impurtanza in a cursa pà u mantinimentu in prima divisioni.
Senza cuntà ch’iddu ci vurria ancu à caccià si a vargugna di u 7 à 0 di u primu scontru, à u stadiu Louis II.

Romain Hamouma è Vincent Marchetti, par disgrazia, sò ferti. Un beddu pinseri in più, innanzi di cunfruntà si à issa squadra ghjunta sicuramenti à circà una vittoria.
U scontru cumencia à un’ora, in Timizzolu.