Football - Le SC Bastia définitivement rétrogradé en National 1
(A redazzioni d'Alta Frequenza) - A cumissioni d'appellu federali di a DNCG hà dicisu di cunfirmà a falata di u SC Bastia in Naziunali 1. Malgradu i venditi di parechji ghjucadori è a prisintazioni di un pianu da fà chì u club arrigulessi com'ellu ci voli i so debbiti, u cartulari prisintatu da i dirighjenti di u SC Bastia ùn hà micca cunvintu a Federazioni Francesi di Ballò pà rivena nant'à a sintenza prununziata in un prima tempu da a DNCG. Oramai, u club hà dicisu di fà subbitu appellu di ssa dicisioni davanti à u CNOSF pà pudè ritruvà u più prestu pussibuli una piazza in Liga 2. Ma par avà, u SC Bastia hè bè in Naziunali 1, ciò chì custituisci un veru dannu spurtivu è ecunomicu pà u club bastiacciu.
