Football - L'AC Ajaccio définitivement rétrogradé en National
Marti, si hè fattu beddu bughju l’urisonti di l’avvena di l’AC Aiacciu : a DNCG di a fidirazioni francesa di u ballonu hà datu cunfirma in appellu di a dicisioni presa da a DNCG di a Liga Prufiziunali.
Vali à dì chì di manera difinitiva, l’ACA hè ripusiziunatu in Naziunali.
U cartulari prisintatu marti da Alain Orsoni, cù una guaranzia bancaria di quindici miliona è cù u pagamentu di dui miliona è mezu fattu da l’azziunariu storicu di a squadra Francis Perez, u prisidenti di a sucità PEFACO, ùn hà cunvintu i ciandarmi finanziarii di u ballonu francesu.
L’ACA ni pò sempri chjamà à u CNOSF, ma oramai l’affari sò chjari : ùn sarà micca in siconda divisioni pà a staghjoni ch’entri.
Ani da essa beddi pisivi i ghjorna à vena, chì à l’ACA, l’hà da tuccà à appruntà un bughjettu par ghjucà in Naziunali, senza sapè s’iddu sarà sempri prisenti Arnau Baqué Roig.
Li ci hà da vulè à fà prestu è bè, à l’aiaccini, da sfrancà si la da u distinu successu in u 2017 à u SC Bastia, vali à dì una bancarotta è una ripresa in Naziunali 3.
Si poni oramai a quistioni di u centru di furmazioni, è s’aspetta par disgrazia un beddu dannu à liveddu suciali pà i impiicati di a squadra.
Pà a prima volta dipoi u 1998, l’AC Aiacciu si laca u mondu prufiziunali, è li ci hà da vulè à luttà à veru par ùn risicà ancu peghju.
Sur le même sujet
