Football : il y aura des matchs le 5 mai
(A redazzioni d'Alta Frequenza) - Passà da u falcu à u cuccun eccu ciò ch'ani fattu oghji l'istanzi naziunali di u ballò di pettu à i vinti anni di a catastrofa di Furiani, di u 5 di maghju chì veni. Rammintemu ci chì più di 18 000 parsoni ani firmatu una petizioni chì dumandava ch'ùn si ghjuchessi più nisuna partita u 5 di maghju. Parechji scontri di Lega 1 è di Lega 2 si devini ghjucà malgradu tuttu issu ghjornu quì un antru annu. È mentri chì stamani, s'era intesu chì u presidenti di a Federazioni Francesi di Ballò, Noël le Graet, ghjunghjaria in Bastia di ghjinnaghju pà scuntrà i famighji di vittimi, a Lega di Ballò Prufessiunali annunziava in principiu di dopu meziornu chì nisuna partita saria scantata. Frédéric Thiriez, u so presidenti, hà annunziatu solu una minuta di silenziu nant'à tutti i tarreni issu ghjornu quì, mentri chì via una muzioni, i squadri prufessiunali ani dumandatu à l'unanimità d'ùn ghjucà micca à issa data quì.
