Football - Félix Tomi (AC Ajaccio) avec l'équipe de France U19 à Clairefontaine
(A ridazzioni d'Alta Frequenza) - Hè quant’è ch’iddu sichi primiatu, iss’ultimi tempa, u centru di furmazioni di l’AC Aiacciu. Dopu à Matteo Tramoni (U19), Lisandru Tramoni (U16), Paolo da Silva (U16), hè oghji Félix Tomi chì hè chjamatu cù a squadra di francia lla so catiguria. Hà da participà à un staziu U18-U19 cù a squadra di francia, in Clairefontaine. Jean-Luc Vannucchi è Lionel Rouxel, i silizziunadori di i squadri di francia d’issi catigurii, ani cunvucatu trenta ghjucadori à u CNF di Clairefontaine pà un staziu di trè ghjorna, è u ghjovanu mezutarrenu di l’AC Aiacciu sarà di u viaghju. Eccu una spirienza nova pà issu ghjovanu ghjucadori, chì hà dighjà fattu uni pochi di scontri in Liga 2. U filicitemu
Sur le même sujet
