Football (Coupe de France) - Un SC Bastia diminué va tenter d'éliminer le LOSC Lille
(A redazzioni d'Alta Frequenza) - Pà i trentaduiesimi di finali di a Cuppa di Francia, u SC Bastia ricevi stasera (sabbatu) à novi ori menu un quartu u LOSC Lille pà una cunfruntazioni trà dui squadri di Liga 1. Ssa partita sarà a prima di un mesi di ghjinnaghju chì s'assumiglia à i dodeci travaghji d'Hercule, cù a ghjunta di u Parighji Saint Germain in campiunatu sabbatu chì veni, è quattru altri partiti cù avversarii micca faciuli à ghjucà. Pà ssu principiu di u mesi di ghjinnaghju, nanzi à a Cuppa d'Africa di i Nazioni chì privarà u Sporting di Diakité, Kamano è Tallo pà un bellu mesi, l'effettivu bastiacciu hè propiu sminuitu. Aldilà di i suspensioni di Cahuzac è Kamano, Diakité, Palmieri è Cissé sò feriti, Romaric ùn hè micca in forma pà contu soiu. Calcosa chì ùn scuragisci micca malgradu tuttu l'intrenori bastiacciu Ghislain Printant, cuntentu di u picculu staziu di dui ghjorni in Purtivechju in principiu di sittimana.
Steti à senta à Ghislain Printant.
