Football (coupe de France) - Le GFCA sort la tête haute face à Lille (1-3)
Photo : Alta Frequenza
Ùn a l’hà fatta, u GFCA, à francà i 16esimi di finali lla Cuppa di francia, chì hà persu 3 à 1 contru à Lille, capifila lla prima divisioni.
L’omini di René Leandri è David Ducourtioux ani incasciatu u primu marcu dopu à 10 minuti, Durimel marchendu contru à i soi, dopu à un calciu d’angulu di Yacisi.
Dopu à u posu, Xheka, po’ David marcaiani dinò pà a squadra francesa.
In fin’ di scontru, Pollet, di capu, salvaia l’onori di i Diavuli Russi, dopu à un calciu d’angulu di Pélican.
U GFCA si pò lacà issa cumpitizioni senza vargugna micca. Ma sarà l’ultimu lla staghjoni, pà i Russi è Turchini, issu scontru ? Si poni a quistioni, postu ch’iddi si fermani, i campiunati d’amatori.
Sur le même sujet
