Focus sur le plan de prévention et de gestion des déchets dangereux de la CTC
(A redazzioni d'Alta Frequenza) - Tutti quilli chì devini gistiscia u cartulari di i rumenzuli sani ch'ellu hè un affari assai cumplicatu. Eppuru, ci sò altri rumenzuli, quilli ditti periculosi, è chì facini dunqua l'ughjettu di una racolta è di un trattamentu specificu. Si tratta prima di i rumenzuli radiuattivi, rumenzuli industriali ditti spiciali, quilli chì ghjunghjini da l'uspidali o di curi medicali in generali, da i cantieri di custruzzioni, è ancu da l'apparechji chì cuntenini gaz periculosi, di a catena di u fretu soprattuttu. L'assemblea di Corsica hà aduttatu calchì ghjornu fà un pianu di privenzioni è di gistioni di i rumenzuli periculosi. Tutti ssi prublematichi sò presi in contu par avà da piani sfarenti, ma da quì à u 2017, i direttivi aurupei è a legi NOTRe dumandani un ducumentu unicu. Oghji, a Cullittività tarrituriali di Corsica hà ricivutu, di pettu à a legi, a cumpetenza di metta in ballu ssu pianu unicu d'eliminazioni di i rumenzuli periculosi.
Steti à senta à Agnès Simonpietri, cunsighjera esecutiva in carica di ssu novu cartulari difficiuli.
Sur le même sujet
