Le Direct

FLNC : les combats de la rue d'aujourd'hui seront ceux du maquis de la nuit de demain déclare l'organisation clandestine

In un cumunicatu autintificatu da Corse-Matin, u FLNC hà presu a parolla, mentri ch’iddu faci a so visituchja in Corsica darmanin.

« Da u disprezzu nasci a collara, da a collara nasci a rivolta. È ind’è no’, a rivolta si faci insurrizzioni », averti u Fronti dindu chì « ùn hè chè u raportu di forza à fà sbuccà i ghjusti rivindicazioni d’un populu chì ùn dumanda chè à asista ».
Ghjustu innanzi à issi parolli, u Fronti hà resu umaghju à Yvan Colonna è à a so famidda.

U FLNC, chì rimarca chì u statu francesu hà rispostu à l’urni è à i degni è pacifichi dumandi di u populu cù a gnuranza è u disprezzu, cundanna a poca riazzioni di l’esecutivu francesu à a prova di micidiu contru à Yvan Colonna, è si rallegra lla mubilisazioni lla ghjuvantù.

« Mandemu u nosciu sustegnu à a ghjuvantù corsa in lutta. Par casu ch’iddu sichi ciuncu sempri u statu francesu, ùn ci ni saria, sacrifiziu lla ghjuvantù, senza una riazzioni in prupurzioni da a noscia parti », averti u muvimentu clandistinu, dindu in chjudenda llu so cumunicatu chì « prestu, i lutti d’oghji in carrughju sarani quiddi di a machja lla notti di dumani ».