Finanzi di a Cullittività unica : ùn c'hè ancu u contu
(Maria Lanfranchi - Alta Frequenza) - Riunioni nova ssu luni trà l'eletti di a Corsica (diputati, presidenti di dipartimenti, di l'Esecutivu è di l'Assemblea di Corsica, eletti lucali...) è u ministru Gérald Darmanin. Pà l'eletti naziunalisti, ùn c'hè ancu u contu ! Perequazioni, inviluppu di cuntinuità tarrituriali è soprattuttu una mancanza di vulintà pulitica è un veru cintralisimu : u diputatu di u sicondu circondu di Corsica Suprana ci dà u so parè nant'à a situazioni. Pà Ghjuvan Filici Acquaviva, ci voli à firmà mubilizati nant'à tuttu, ancu nant'à i punti i più chjuchi, chì à pocu à pocu ani da custituiscia u scheletru di ssa cullittività unica nova generazioni.
Eccu l'intervista di u diputatu di u sicondu circondu di Corsica Suprana.
