Fin de la grève à la CAPA et la Ville d'Ajaccio après un accord trouvé avec le STC
Hè finita a greva in Aiacciu è à a CAPA : luni in sirintina si sò intesi u STC è a CAPA, arrimbendu si à issi punti :
- A ripresa di u sirviziu lla colta di i rumenzuli par tuttu u tarritoriu di a CAPA, à parta si da marti u 12 di dicembri à sei ori di sera.
- A rivalurisazioni di u rigimu indannitariu par quiddi chì t’ani drittu à a prima pà u puteri di comprita, ùn pudarà essa da suttu à i 25 % di a prima, è hà da essa difinita cù tutti i partinarii suciali, in lu quadru di l’elaburazioni di u bugettu llu 2024. Issa rivalurisazioni si farà di manera retroattiva à u primu di ghjinnaghju di u 2024.
- U rinunciamentu à a prima accizziunali pà u puteri di comprita.
L’altri punti ch’erani in u primu avvisu di greva ani da essa missi in dibattitu, in a cuntinuvità di u dialugu suciali avviatu trà a CAPA è l’urganisazioni sindicali.
« Si devini oramai cuntinuvà i discussioni, in un ambienti appaciatu è in cunfurmità cù u dialugu suciali di qualità chì i dui stituzioni ani sappiutu sempri mantena è incuraghjì », dici in chjudenda u cumunicatu cumunu à a cità d’Aiacciu è à a CAPA.
