Fin de l'aventure Roland Garros pour Laurent Lokoli
Photo : Facebook Laurent Lokoli
(A redazzioni d'Alta Frequenza) - U sonniu di Laurent Lokoli hè finitu ! U ghjovanu ghjucadori di u tennis club di Costa Verde, 402imu mundiali, hà persu in cinqui sets ssu marcuri duranti u primu ghjiru di a fasa finali di Roland Garros contr'à u 67imu mundiali, l'americanu Steve Johnson. Rammintemi chì a partita, chì avia principiatu in fin di ghjurnata d'arimani, era stata arristata à u principiu di u cinquesimu set quandu a notti hè calata pà cuntinuà oghji. Un ultimu set persu da u corsu 6-3. Pà a so prima participazioni à una ghjustra di u Grand Chelem, Laurent Lokoli avarà criatu in tutti i casi a surpresa annant'à i tarreni di ssa cumpetizioni di prestigiu ma dinò in Corsica, induva u fervori sarà statu intensu. Una sparienza chì li ghjuvarà di sicuru pà a seguita di una carriera chì prumetti è chì cumencia solu...
Sur le même sujet
