Fièvre catarrhale ovine : la filière corse demande à l'État de prendre ses responsabilités
Dipoi a fin’di sittembri, i pecuri è muntoni corsi si pittughjighjani dinò à a frebba catarrali.
Issa infizzioni hè più aspra chè quiddi d’innanzi, chì certi animali sò stati tocchi da u serotippu 8, un varienti più viulenti : incù quissu ci n’hè di più morti, è succedini ancu più prestu.
In Pumonti, sò tocchi quindici bandi, è i perditi poni essa di mità par certi. À senta ni uni pochi di rispunsevuli di l’allevu picurinu, issu varienti veni da fora, è più pricisamenti da u dipartimentu di u Var. Tandu, veni posta a chistioni di a rispunsabilità di u statu.
Ben’intesa si pensa à a indinnisazioni di i pastori tocchi, ma a filiera dumanda ancu ch’idda sichi presa in contu a vaccinazioni da u statu, postu ch’iddu devi piddà i so rispunsabilità.
Steti à senta à Jean-Louis Paoli, u prisidenti di l’ILOCC.
