Feu de cave à Rutali
(A redazzioni d'Alta Frequenza) - Hè partutu un focu in una carciara versu un'ora di mani ind'u paesi di Rutali (Corsica Suprana). Ssu focu hè statu ammaistratu in furia da dui parsoni dighjà sopralocu, nanzi à a ghjunta di i spignifochi. Malgradu tuttu, un omu di 65 anni, chì era nentru, hè statu assai toccu da u fumu. In arrestu cardiurispiratoriu duranti un certu tempu, l'omu hà pussutu rifiatà prima d'essa purtatu in ambulanza à l'uspidali di Bastia; hè oramai in rianimazioni. I dui ghjuvanotti ghjunti pà salvà a vittima sò stati tocchi di manera lighjera da u fumu pà contu soiu.
Sur le même sujet
