Feu de Bavedda : le point à 18h00
Photo : SIS 2A
(A ridazzioni d'Alta Frequenza) - U ventu, chì hà ripresu à buffulà sta mani in muntagna è par issa piaghja à Livanti, hà ridatu fiatu à u focu di Bavedda, chì curri oramai versu Sari.
I succorsi sò stati pusiziunati da assicurà a prutizzioni di i bè è di l’aienti.
U cumandanti di l’uparazioni di succorsu hà presu una misura di cunfinamentu, par Sari è Togna. A infurmazioni di l’abitanti a faci a ciandarmaria, andendu da porta à porta.
L’elevi di a scola di a Sulinzara sò in sicurità in u stabbilimentu.
I stradi dipartimintali 268 è 68, chì ghjunghjini in Sari, sò chjusi à a circulazioni, da facilità u passa è veni di i succorsi.
S’aspettani supr’à locu, pà issu dopu meziornu, rinforzi ghjunti da francia.
