Feu d'appartement à Bastia
(A redazzioni d'Alta Frequenza) - Un focu hè partutu arisera (marti) appena nanzi à 10 ori ind'un appartamentu di u 13, carrughju Dirittu in Bastia. In tuttu, ondeci parsoni sò stati cacciati da u palazzu da i spignifochi. Ancu di grazia, ci hè nisun vittima. U merri di a cità è i so aghjunti sò andati sopralocu; ùn ci hè micca statu bisognu di truvà un alloghju novu à i parsoni di l'appartamentu toccu da i fiari. Un'intarvinzioni chì s'hè compia versu mezanotti; i causi esatti di ssu focu ùn sò ancu cunnisciuti.
Sur le même sujet
