Femu a Corsica réclame un nouvel hôpital pour Bastia, discorde entre députés Pè a Corsica
Luni, Femu a Corsica hà fattu una cunfarenza di stampa par rivindicà unu spidali novu par Bastia.
Ùn hè nova a rivindicazioni, ma a struttura, malgradu uni pochi di travadda, hè pocu quenta oramai par riceva parsoni o parsunala.
Senza parlà di a so utilità, cù un spidali novu, à senta ni à Femu a Corsica, si pudaria fà vena novi medichi è scriva si in a logica d’un centru uspitalieri righjunali à parichji siti.
Femu a Corsica vurria chì i studii par valutà a viabilità di a simplicia rinuvera di u spidali di Bastia sichini resi publichi, fendu rimarcà chì u fundariu nicissariu pà un novu centru uspitalieri ci hè.
Steti à senta à Didier Grassi, di a sizzioni bastiaccia di Femu a Corsica.
Michel Castellani, u diputatu lla prima circuscrizzioni llu Cismonti, c’era à issa cunfarenza di stampa. Hà dittu chì i diputati naziunalisti, par una volta, erani in bisestu : una pruposta di legi pà a criazioni d’un centru uspitalieri universitariu hè stata sposta à mezu frivaghju, è signata solamenti da Paul-André Colombani, u diputatu lla siconda circuscrizzioni llu Pumonti.
Michel Castellani dici ch’iddu ùn l’hà signata chì tandu si daria u statutu di CHU à u solu spidali d’Aiacciu, è cusì risicaria d’essa sclassificatu quiddu di Bastia.
Steti à senta à Michel Castellani.
