Femu a Corsica ni chjama i corsi à un’acolta, sabbatu u 29 di ghjunghju in Bastia
Femu a Corsica
(A ridazzioni d'Alta Frequenza) -Cù un cumunicatu, Femu a Corsica ni chjama i corsi à un’acolta, sabbatu u 29 di ghjunghju à parte si da 5 ori, Piazza Claude Papi, in Bastia.
« Pà issu mumentu forti, si farà l’analisi lla situazioni aurupeana, di i raporti cù u statu, è quidda lla sucità corsa d’oghji », dici u muvimentu.
« Sarà u mumentu par ridifinì l’uriintazioni è pruposti strategichi di u nosciu partitu da risponda à u statu, fidirà u muvimentu naziunali è i forzi di prugressu, è avvià, tirendu drittu è tinindu forti, l’emancipazioni vera di u nosciu paesu », scrivi Femu a Corsica in stu cumunicatu.
U partitu puliticu faci rifarenza à ciò ch’iddu chjama « a guerriglia inadimissibuli ch’iddu faci u statu in Corsica contru à a maiurità tarrituriali, par ciò chì tocca à parichji cartulari impurtantissimi pà u sviluppu llu paesu ». Si ni riparlarà in d’altri edizioni.
Sur le même sujet
