Fabienne Giovannini élue présidente d'un Office de l'Habitat de Haute-Corse en proie aux défis
(A redazzioni d'Alta Frequenza) - C'era ssu marti l'alizzioni di u presidenti di ciò chì duvia essa, d'una manera ideali pà a maghjurità tarrituriali, un Uffiziu Tarrituriali di l'Alloghju, ma chì inde i fatti sarà solu, par và, l'Uffiziu di l'Alloghju di Corsica Suprana. È u presidenti hè una presidenti, parchì com'ellu a vulia u presidenti di l'Esecutivu, Gilles Simeoni, hè Fabiana Giovannini chì hè stata eletta à l'unanimità, menu Francis Riolacci chì ùn hà micca participatu, pighjendu cusì a successioni di Pierre Marie Mancini. Certi pudariani parlà d'un rigalu avvilinatu pà l'anziana cunsighjera esecutiva, vistu chì l'Uffiziu prisenta soca sfidi difficiuli. Di fatti, u so parcu di 3 007 alloghji in affittu hè vechju pà a maiò parti, cù una media di quarant'anni d'anzianità di custruzzioni. Hè dinò più ristrettu di pettu à a dumanda, postu chì 3 000 dumandi ùn sò ancu suddisfati. L'uffiziu soffri dinò d'una riputazioni micca famosa, postu chì i cundizioni d'attribuzioni di l'alloghji sò criticati dipoi parechji anni, mentri chì dui lagnanzi cuncirnendu l'attività di l'uffiziu sò in corsu. Infini, l'ambiu suciali inde i parsunali hè abbastanza gattivu, una mansa di custati chì dimostrani chì a missioni, s'ella ùn hè faciuli, hà da essa di tutti l'ori.
Steti à senta à Fabiana Giovannini.
Sur le même sujet
