Le Direct

Fà Nazione : Corsica Libera présente sa liste à Corte

Duminica, Corsica Libara hà prisintatu a so lista in Corti, davanti à i bastimenti Grosseti. A lista, chjamata « Fà Nazioni », a purtarà Jean-Guy Talamoni, u prisidenti di l’Assemblea.

U prughjettu s’arremba à i fundamintali llu muvimentu, è si voli apra à i pinsera lli corsi.

Corsica Libara difendi un bilanciu, cù i so mancanzi è i so riesciti, è movi un’andatura arradicata in a cultura, a ghjustizia suciali è a guvirnanza.

À nantu à a lista, sò prisenti i cunsiglieri esecutivi Josepha Giacometti, Lionel Mortini, Laura Maria Poli, è i cunsiglieri tarrituriali Vannina Buresi, Petr’Antonu Tomasi (prisidenti llu gruppu) è Pierre-Joseph Filipputti.

À a piazza simbolica lla chjuditura lla lista, si rimarcarà a prisenza di Saveriu Valentini, punteddu maestru llu Riacquistu, autori è tiatrinu.