Explosion à Porto-Vecchio : peut-être due à un accident de cuve de gaz
(A redazzioni d'Alta Frequenza) - A splusioni di Purtivechju pudaria essa un accidenti. Spertizii sò in corsu, pà sapè s'è quissa quì hè stata inghjinnata da un attentatu o da una splusioni accidintali di una conca di gaz. Sicondu i primi elementi, i sminadori avarani ritrovu nisun traccia di carichi, ma l'affari ferma à cunfirmà. Par avà, si sà solu chì dui parsoni sò stati feriti, frà i quali una di modu gravi. Un zitellu di una dicina d'anni hè statu appena toccu da pezzi di vetru, mentri chì un omu di una quarantina d'anni hè statu brusgiatu à u terzu gradu è traspurtatu ind'un centru pà grandi brusgiati in Marseghja. L'inchiestadori devini pruvà à sapè oramai i causi di ciò chì hè accadutu in Palumbaghja è chì hà distruttu dinò quattru residenzi.
Sur le même sujet
