Le Direct

Evénements d'ACA-Sochaux le 11 septembre dernier : le directeur général du FC Sochaux condamné pour injures publiques

Marti, u tribunali currizziunali d’Aiacciu hà lintatu un ochji à l’evenimenti di l’undici di sittembri, successi dopu à u scontru trà l’AC Aiacciu è Sochaux, à u stadiu François Coty.

Ramintemu ch’idd’era sparatu calchì azzuffu, è chì un parsunali llu stadiu aiaccinu era statu fertu da un ghjucadori di Sochaux, à torru à u carru d’issa squadra.

Un affari ch’avia avutu tandu a so mediatisazioni, a cumissioni di disciplina lla LFP dendu à l’epica una sanzioni à a squadra corsa.

Ma a ghjustizia t’avia ancu missioni di dà u so parè par ciò chì tocca à u cumpurtamentu di Samuel Laurent, u dirittori ginirali di Sochaux. Marti dunqua, l’omu hè statu ricunnisciutu culpevuli d’inghjulii publichi. Hè statu cundannatu à pagà un’amenda di 2 500 auri è à un varsamentu di danni è intaressi à José Scaglia, u dirittori lla sicurità lla squadra corsa.