Évacuation médicale d'une femme enceinte à bord d'un navire au large d'Ajaccio
(A redazzioni d'Alta Frequenza) - Una donna incinta hè stata presa in carica ssa dumenica mentri ch'ella era nant'à un battellu à u largu di a Corsica. Chjamatu da u MRCC di Roma, u CROSS Med duvia mandà i succorsi. A passaghjera era nant'à u Cruise Roma, à 90 nautichi à punenti d'Aiacciu, quand'ella hà avutu bisognu di un'assistenza medicali. "Dopu una cunsultazioni ind'è u Centru di Cuurdinazioni Medicali in Mari, u trasportu medicali era propiu racumandatu. U CROSS Med hà ingaghjatu subbitu l'elicotteru Super Puma di l'Armata chì hè partutu da A Sulinzara cù nentru una squadra medicali, è svia ver di a Corsica u Cruise Roma chì andava in Barcilona. Ghjuntu sopralocu, l'elicotteru faci falà a squadra medicali pà pighjà in carica ssa donna è purtalla. L'uparazioni si sò compii in principiu di dopu meziornu. Hè stata adimessa à l'uspidali d'Aiacciu", spiega a Prifittura Marittima di u Mediterraniu in u so cumunicatu.
Sur le même sujet
