Etude The Lancet sur l'hydroxychloroquine : une étude foireuse faite avec le big data selon le Professeur Raoult
Dopu à a publicazioni di unu studiu in a rivista midicali The Lancet, chì dici chì a cluruchina ùn viaghja contru à u COVID 19, l’OMS hà dicisu di suspenda ni pà un tempu, è par misura di pracuzioni, i provi clinichi ch’ idda porta in parichji paesa.
À tempu à iss’affari, è si pudaria dì da quidd’altra parti, intisgi u prufissori Raoult par ciò chì tocca à u so travaddu, è à i so risultati à l'IHU di Marseglia.
« Comu pudaria, unu studiu bambiu fattu incù u « big data », cambià ciò chì no’ avemu vistu ? », dici schirzosu u medicu marsigliesu.
« Quì, sò passati 4 000 malati ! Ùn pinseti micca ch'e’ achi da cambià d'avvisu parvia di certi parsoni chì facini u « big data », una fantasia scema in tuttu, chì pidda dati chì a so qualità ùn si cunnosci, è chì mischia tuttu ? » dici u prufissori.
« I liti scintifichi, pulitichi, publicitarii, durani un tempu, po’ u tempu passa u so stacciu, ùn ci hè di chì essa inchieti. U Doliprane hè ancu più piriculosu chè l’idrussicluruchina. Hè a prima causa d'intussicazioni llu mondu, in i paesi sviluppati...
Hè piriculosu u Doliprane, è tumba monda ancu », dici incù forza Didier Raoult, chè no’ stemu à senta.
