Etat d'urgence : déroutage des ferrys du port de Calvi vers celui d'Ile Rousse
(A redazzioni d'Alta Frequenza) - In u quadru di u statu d’urghjenza, misuri naziunali di crescita di u nivellu di cuntrollu di i passaghjeri ind’i porti francesi sò stati dicisi. Ssi misuri ani fattu l’ughjettu di un’appiecazioni inde tutti i porti di Corsica Suprana fora di quillu di Calvi, gistitu da a municipalità, chì faci sapè ch’ella hè impussibuli par ella di fà crescia i cuntrolli attuali à u nivellu dumandatu da i dispusizioni naziunali novi. Dopu una riunioni urganizata cù u merri di Calvi, i raprisintanti di l’autorità marittimi, a gendarmeria, a Camara di cummerciu è a Corsica Ferries è com’ellu hè parsu impussibuli d’accurdà un regimi derugatoriu à l’unicu portu di Calvi, o tandu a securità di Calvi saria fragilizata, hè stata dicisa di svià i prossimi viaghji versu u portu d’Isula Rossa. Ssa misura pighja effettu à partasi di u 12 aostu inclusu è duvaria cuncirnà una dodecina di viaghji da quì à a fini di a statina.
