Entretiens de Gilles Simeoni avec Jean Castex et Gérald Darmanin : ce qu'il faut savoir !

Dopu à l’evenimenta è i mubilisazioni forti d’issi pochi ghjorna in Corsica, o ancu puri parvia o gramazia à iss’evenimenta è mubilisazioni, Gilles Simeoni hà discorsu cù jean castex, u primu ministru francesu, è cù gérald darmanin, u ministru di l’internu.

« Semu cunvinuti ch’iddu ci voli à escia prestu da a logica di tinsioni, chì và criscindu. Aghju ramintatu chì u cunsigliu esecutivu, a maiurità tarrituriali è tutti i forzi pulitichi naziunalisti, ani fattu veda, dipoi u 2015, a so vulintà sempri para di dialugu è d’appacera. Più chè mai ni socu cunvintu : altra via ùn ci n’hè, pà a Corsica, chè quidda di a paci è di a dimucrazia », dici u prisidenti di l’esecutivu in un cumunicatu.

« Ma a paci ùn si pò custruì senza a ghjustizia. Aghju dittu à u primu ministru è à u ministru di l’internu ch’idd’hè indispinsevuli, pà u guvernu è u statu, di dà subitu segni publichi, forti, arrimbendu si à trè punti :

1) Metta à u chjaru i circustanzi lla prova d’assassiniu contru à Yvan Colonna, masimu sustinindu l’iniziativi parlamintarii, chì sò a guaranzia d’unu sguardu indipindenti è imparziali à nantu à l’urigina è i circustanzi lli fatti.

2) Metta in appiicazioni, par Pierre Alessandri è Alain Ferrandi, u so drittu à l’avvicinera, caccendu li u statutu di DPS, è fendu u so trasfirimentu in Borgu, com’idda a dumanda à l’unanimità l’assemblea di Corsica, ma ancu parichji merra corsi, è parlamintarii di tutti i gruppi.

3) Attaccà un tempu puliticu novu in i raporti trà u statu è a corsica. Arrimbatu à u rispettu llu suffraghju univirsali è à a lighjittiità dimucratica, issu tempu novu devi permetta d’attaccà un dialugu trà u statu è a Cullittività di Corsica, ma ancu cù tuttu i forzi pulitichi è i forzi vivi di l’isula. Devi permetta di metta in anda una suluzioni pulitica glubali lla quistioni corsa », hà dittu Gilles Simeoni.

« U primu ministru m’hà dittu chì a pusizioni llu guvernu è di u statu pà issi trè dumandi sarà resa publica prestu », dici in chjudenda u cumunicatu.