Enseignement : Michel Barat pour une Éducation Nationale de proximité
(A redazzioni d'Alta Frequenza) - Un'Educazioni Naziunali di vicinanza ! Hè u cuncettu, è a visioni, di u rettori di l'Accademia di Corsica pà l'avvena di l'insignamentu inde l'isula. Una settimana dopu à a riintrata sculari, Michel Barat s'hè cunsacratu à a tradiziunali cunfarenza di stampa di riintrata. Forsa par via di l'alternenza pulitica, issa riintrata s'hè passata ind'un spiritu bunissimu è i punti scarsi di scuntentezza si sò spinti à lestra dopu à calchì ghjornu. Michel Barat hà dunqua fattu un bilanciu chì cunveni pà a piccula accademia di Corsica, un'accademia chì ùn cunnosci micca prublemi maiò pà issa riintrata è chì hà vistu i so risultati mighjurà si di modu forti annu fà. Aldilà di i risultati, di i sciffri è di i parcintuali, u rettori hà vulsutu fighjulà l'avvena cù mumenti futuri impurtanti. Ci hè bella sicura u dibattitu maiò nant'à a rifundazioni di a scola chì duvarà purtà à a nascita di un sistema educativu in leia più stretta cù u mondu d'oghji. Ci sò dinò l'assisi di l'Insignamentu Superiori, d'uttrovi, chì sarani ind'u stessu filu, ma cù un quadru più purtatu nant'à i specificità di l'isula. À l'ora duva si dici appena di tuttu nant'à l'avvena di l'Educazioni Naziunali in Corsica, è què in rilazioni cù cambiamenti pulitichi à vena impurtanti, Michel Barat hà vulsutu bè pricisà l'affari.
Écoutez le recteur d'Académie.
Sur le même sujet
