Le Direct

Enquête anti-terroriste en Corse : mobilisation devant le commissariat de Bastia en soutien aux huit militants de Corsica Libera transférés à Paris

Luni matina, in u quadru d’una inchiesta di a pracura antitarrurista di parigi, ottu parsoni sò stati intarpillati. Trè d’issi parsoni sò di u Cunsigliu di Corsica Libara, è trà iddi ci hè ancu u militanti storicu di u muvimentu, Carlu Pieri.

Sò stati tutti trasfiriti in parigi in avviò, è duvariani essa prisintati in l’ori à vena à un ghjudici lla pracura antitarrurista.

Hè da nutà ch’in Lupinu, u lucali di Corsica Libara hè statu pirquisiziunatu.

A inchiesta tocca una cunfarenza di stampa di u FLNC, di sittembri llu 2021, è uni pochi d’attintati fatti d’aprili.

Davanti à u cumissariatu di Bastia, si hè fatta un’accolta in sustegnu à l’intarpillati. C’erani parichji militanti di Corsica Libara, po’ ancu militanti d’altri partiti naziunalisti, prisenti par dinuncià iss’intarpillazioni.

Par Josepha Giacometti, issi maneri di fà impinsiriscini à veru. Sò un gattivu segnu pà u seguitu di i rilazioni trà a Corsica è u statu francesu.

Steti à senta a cunsigliera tarrituriali è portaparolla di Corsica Libara.