Emmanuel Macron annonce un nouveau confinement jusqu’au 1er décembre minimum
Photo facebook Emmanuel Macron
Emmanuel macron hà parlatu sta sera, à ott’ori, di a siconda mani llu Covid 19 chì tocca l’Auropa sana.
Ugnunu a si pudia pinsà : parvia di i sciffri di i cuntaminazioni, di l’uspitalisazioni è di i morti, u prisidenti francesu hà annunziatu un novu cunfinamentu par tuttu u tarritoriu. Dici emmanuel macron ch’issa siconda mani di u siscu hà da essa più pessima chè a prima : sò aghjà privisti 9 000 parsoni in rianimazioni da quì à mezu nuvembri. Semu da supra è bè à ciò ch’iddu n’era pà a prima mani llu siscu.
Ciucciaghji, scoli, culleghja è licea si fermani aparti, cù reguli sanitarii strinti di più. L’università, inveci, sarani chjusi, è farani i so cursi in ligna.
U teletravaddu, d’altrondi, si duvaria giniralizà. Ci vurrani – dinò ! - l’attestazioni par escia. I isciuti sò pirmissi pà u travaddu, pà andà à circà i ziteddi in iscola o pà un’appuntamentu midicali.
I cumerci chì ùn sò di prima nicissità (com’è i caffè o i risturanti) turrarani à chjuda. Issi misuri novi sarani pricisati ghjovi, è viaghjarani in notti da ghjovi à vennari.
L’affari pudaria durà, à u minimu, sinu à u primu di dicembri.
Sur le même sujet
