Le Direct

Emile Zuccarelli sort de sa retraite politique et prend la tête du Mouvement Radical en Corse

Emile Zuccarelli, anzianu ministru è merri di Bastia da u 1989 à u 2014, volta in pulitica : hà presu a prisidenza llu Muvimentu Radicali in Corsica. Issu muvimentu, ramintemu la, hè natu in u 2017, da a fusioni di u Partitu Radicali di Manca cù u Partitu Radicali dittu Valoisien.

In u cumunicatu chì annuncia a criazioni lla fidirazioni corsa llu Muvimentu Radicali, Emile Zuccarelli si rallegra di riprisintà un partitu chì hè incarnazioni di a « ripublica di a nazioni unitaria, sulidaria è fraterna ».

L’anzianu merri di Bastia parla ancu d’altri valori : a laicità, u pinseri di l’Auropa, a rispunsabilità pianittaria ambiintali.

Emile Zuccarelli, ben’intesa, si ni pidda à i naziunalisti, parlendu d’un’isula chì « hà persu u so filu, suttimissa à a guvirnanza naziunalista incerta, è à i so prughjetti ch’impinsiriscini ».

Surpresa ùn ci n’hè, u so fiddolu Jean faci ancu iddu parti llu scagnu llu Muvimentu Radicali di Corsica. Ci si trovani ancu Juliette Dominici, Jean-François Paoli è Hélène Salge.