Élections européennes : Marion Maréchal tâte le terrain en Corse pour Reconquête
Marcuri è ghjovi, hè in visita in Cismonti Marion Maréchal, a capilista di Reconquête, u partitu d’Eric Zemmour, pà l’alizzioni aurupeani. Hè andata à veda una salamaria in Lucciana, a pro-catidrali Santa Maria in Bastia, po’ si n’hè mossa in Muratu pà un ritrovu ripublicanu : culandi, hè stata ricivuta da un aghjuntu à u merri.
Cù i ghjurnalisti, hà sviluppatu parichji punti di u pinsà di Reconquête.
Non solu di parlà di a migrazioni, è masimu di quidda musulmana, Marion Maréchal hà datu u so parè par ciò chì tocca à l’affari di a Corsica. Pensa idda chì l’autunumia si devi fà di manera cuerenti, è ùn hè mancu upposta à una prifirenza righjunali pà i impiechi, ancu à pettu à i francesi ghjunti da u cuntinenti.
A candidata di strema dritta hà ripresu l’argumenti di Palatinu contru à u « wokismu » di a cità di Bastia, è più glubalmenti contru à u naziunalismu di manca.
Ancu puri ch’idda si senti in simpatia cù l’idei purtati da Nicolas Battini, par avali ùn hà à menti di piddà lu à nantu à a lista di Reconquête.
Steti à senta à Marion Maréchal
