Elections européennes: l'analyse du candidat UMP Franck Giovannucci
(A redazzioni d'Alta Frequenza) - Mentri chì l'alizzioni aurupei sò stampati da a vittoria di u Front National in Francia, i risultati in Corsica sò piuttostu appena sfarenti. A Corsica si scanta dinò di a circuscrizzioni di u grandi Sud Est, chì hè a soia. In Corsica Suttana, hè l'UMP chì hè prima cù più di 27% di i voti, contr'à 24 à pocu pressu pà u Front National è guasgi 20% pà François Alfonsi. Listessa tindenza in Corsica Suprana cù à l'ingrossu 25% pà l'UMP, 22% pà u FN è dinò 22 pà François Alfonsi. Sciffri chì sarani più pricisi da quì à calchì ora, parchì i risultati difinitivi ùn sò ancu cunnisciuti. Ind'è l'UMP, duva Franck Giovannucci, chì t'avia un postu pà essa elettu, ùn l'hè micca statu di pettu à i risultati naziunali, i risultati di u Front National facini nascia u timori. Una vittoria pà i parsoni micca cunfidenti di pettu à l'Auropa chì faci rifletta dici par asempiu Franck Giovannucci. Eppuru, i risultati di l'UMP in Corsica par ellu sò un segnu di spiranza, ciò chì cunfirmeghja d'appressu à ellu u travaghju rializatu da u so partitu dipoi parechji mesi.
Steti à senta à Franck Giovannucci.
Sur le même sujet
