Elections départementales : la majorité municipale ajaccienne déterminée
(A redazzioni d'Alta Frequenza) - U prima ghjiru di l'alizzioni dipartimintali, sarà dighjà dumenica è i sfarenti candidati ani principiatu ssu luni a fini di a so campagna. In Aiacciu, Laurent Marcangeli è l'ottu candidati di a maghjurità municipali pà ssu scrutinu ani urganizatu stamani (luni) una cunfarenza di stampa pà pudè pricisà u so impegnu. Fendusi u portavoci di i quattru duetti prisenti, Laurent Marcangeli hà vulsutu dì cù forza chì ssi dipartimintali ùn sò micca alizzioni chì ùn contani micca. Aspetta di fattu una mubilisazioni forti di l'eletturatu aiaccinu, cunvintu chì i so amichi t'ani a pussibilità d'essa eletti à partasi di u prima ghjiru è chì a sola cosa chì pudaria impidiscia ss'affari quì saria una participazioni assai bassa, ciò ch'elli t'ani a paura di veda tutti i candidati. Pà u diputatu è merri, l'inghjocu hè chjaru : una prisenza in forza in u cunsighju generali di Corsica Suttana - ùn credi micca in un mandatu di dui anni - hà da parmetta a cumplementarità trà l'azzioni di u cunsighju dipartimintali è quilla di a municipalità d'Aiacciu è di a CAPA.
Steti à senta à Laurent Marcangeli.
