Education, formation et emploi : un Service Public Territorial de l’Orientation sur les rails
(A redazzioni d'Alta Frequenza) - Calchì ghjornu fà, accantu à l'ultima sissioni di l'Assemblea di Corsica, a CTC è i so partinarii ani signatu a cartula di u Sirviziu Publicu Tarrituriali di l'Urientazioni. Un arnesi novu pà una sinergia vera di tutti i sirvizi d'urientazioni chì asistini nant'à l'isula. Ssu SPTO, chjamatu Corsica Orientazioni, t'hà dunqua com'è scopu di mubilizà tutti l'attori è i dispusitivi pà pudè dà à tutti è pà un tempu senza limiti a pussibilità d'avè infurmazioni più chjari nant'à i furmazioni, i mistieri è i nivelli di i paghi. I strutturi partinarii di l'arnesi ani da assicurà un'accolta fisica di vicinanza, mentri ch'ella sarà dinò missa in ballu un'accolta smatirializata grazia à un situ internet. Un SPTO chì s'arremba frà altru à un puntellu fundamintali : luttà da fà chì i zitelli ùn sighini micca in situazioni di fiascu è surtissini da u sistema sculari.
Steti à senta à Josepha Giacometti, cunsighjera esecutiva in carica di l'educazioni, a furmazioni, l'insignamentu superiori è a ricerca.
Sur le même sujet
