Education : crise majeure au collège de Moltifao
(A redazzioni d'Alta Frequenza) - Mubilisazioni ssu marcuri da mani in u Ponte à a Leccia di a cumunità educativa di un culleghju di u rurali, quillu di Multifau, chì hà fattu un'azzioni simbolica. Insignanti è parenti d'elevi dinunziani a riduzzioni di a Dutazioni Glubali Orariu di u stabilimentu da l'autorità accademichi, chì pudaria inghjinnà par asempiu una distabilisazioni di tuttu l'insignamentu bislingu corsu è francesi missu in opara da un sduppiamentu di i scoli frà altru. Fin'è oghji, a cumunità educativa di Multifau dici ch'ella hè stata cunfruntata à una logica di sciffri da a parti di u Retturatu, cù un dialogu senza risultatu. Un scontru hè privistu dopu meziornu à 4 ori in Aiacciu.
Steti à senta à Nicolas Perraud, insignanti d'inglesi in u culleghju di Multifau.
Sur le même sujet
